كتير منا بيهمل تفاصيل بسيطه عند اجراء مقابله عمل مع موظف جديد التفاصيل دى بيكون لها تأثير سلبى على المرشح وعلى سمعه الشركه لو أخدنا بالنا منها ممكن تفرق كتير ….
١).. طالما تم اختياره بعد فرز ال CVs، يبقى ضروري تبعتله email رسمي من domain الشركة موضح فيه ال location، واسم الوظيفة اللي اترشح لها، وميعاد وتاريخ ووظائف الاشخاص القائمين بال interview معاه.
٢).. لما يوصل الشركة، قابله بنفسك طالما وصل في ميعاده لو كنت مش مشغول، عيب تبعتله ال office boy وانت قاعد فاضي أو بتدردش مع صحابك.
٣).. لازم تُحسن استقباله وتقعده في مكان محترم فيه تهوية كويسة، وقدمله حاجة يشربها لو ده متاح عندكم.
٤).. قبل اى كلام معاه، طمنه وقله “اهلا بيك ماتعتبرش ده interview رسمي، اعتبرنا اصدقاء وبندردش مع بعض.. الخ”. خرجه من الرهبة او مشقة المشوار اللي عمله عشان يجيلك.
٥).. عرفه على الناس اللي قاعدين معاك في المكتب “لو ماكنتش قاعد في مكان لوحدك”، عشان مايفضلش مركز مع الناس دي معظم الوقت ويتشتت مايبقاش مركز معاك.
[the_ad id=”11408″]
٦).. عرفه بنفسك، كلمه عن شركتك، بتشتغل ف ايه، حجم أعمالها، عدد العاملين فيها، اعضاء مجلس الإدارة، ادارته اللي هايشتغل فيها.. الخ.
٧) لو لقيت عنده قصور في فنيات او مهارات او نقاط ضعف معينة، متحاولش تركز عليها في كلامك معاه وتعيد فيها وتزيد.. عديها وتجاهلها وخوش على موضوع تاني.
٨).. خليك دايماً مبتسم وانت بتتكلم معاه، حسسه ان وجوده مقبول ع المستوى الانساني بغض النظر عن قبوله بالوظيفة من عدمه.
٩).. لو رد عليك بإجابة غير المطلوبة منه، اديله hint عن الإجابة الصحيحة، لو استمر في الإجابة الغلط بعدها غير الموضوع وماتقلوش أبداً انت غلط!
١٠).. ماتسبهوش قاعد وترد على الموبايل او يتطلب منك شغل فاتسيبه يضرب أخماس×أسداس، “ال interview ده هو شغلك أساساً”.
١١).. ماتسألوش أسئلة مالهاش علاقة بوظيفته، ولا تحطه تحت ضغط طالما وظيفة مش طالبة ده أساسا.
١٢).. لو وظيفته مش طالبة English، بلاش تتفلسف عليه وتقوله introduce your self!
[the_ad id=”11377″]
١٣).. دايماً تخلي محور أسئلتك معاه مرتبطة بمواقف ومشاكل وظيفته بس زي “لو حصل معاك موقف كذا، تتصرف ازاي.. لو اتعرضت لمشكلة معينة، تحلها ازاي.. وهكذا”، بلاش الاسئلة الوجودية بتاعة نحط ازاى فيل في علبة كبريت وجو الفوازير الرخيص ده.
١٤).. لما يخلص وقت ال interview، أشكره على حضوره، وعرفه ان في مقابلة فنية technical interview تانية طالما هو accepted في ال 1st interview، وعرفه انك هاتبعتله email بميعاد ال 2nd interview واسماء الشخص/الاشخاص اللى هايعملوا معاه المقابلة دي.
١٥).. لو كان غير مؤهل لشغل الوظيفة عندك ومتخطاش الحد المسموح من نقاط التقييم في ال 1st interview، عرفه انك هاتبعتله email بال interview result، ماتقلوش ساعتها انه rejected.
١٦).. ياريت تبعت apologize mail للي ماتوفقش أو معداش ال 1st interview.. ويا سلاااام لو تكرمت وعرفته في الايميل هو محتاج ايه من ال knowledge, skills, attitude, competencies المطلوبة في شاغل الوظيفة..
اهو تبقى عرفته هو وقع في ايه وتبقى وجهته للصح، وكمان هاتخليه يحترمك انت وشركتك.
اكتشاف المزيد من وظائف حكومية
اشترك للحصول على أحدث التدوينات المرسلة إلى بريدك الإلكتروني.